Бидний тухай
“Мед Монгол” ХХК нь 2004 оноос хойш эрүүл мэндийн салбарт тасралтгүй үйл ажиллагаа явуулж буй, олон жилийн туршлагатай байгууллага юм. Бид анх эмнэлгийн тоног төхөөрөмж, хэрэгсэл, багаж хэрэгслийн худалдаа, ханган нийлүүлэлтээр үйл ажиллагаагаа эхлүүлж байсан бол өнөөдөр дэлхийн нэр хүндтэй үйлдвэрлэгчдийн албан ёсны түншээр ажиллан, өндөр чанартай бүтээгдэхүүн, мэргэжлийн үйлчилгээг хэрэглэгчиддээ хүргэж байна.
Бидний түншлэл, үйлчилгээний хүрээ
Бид дэлхийд тэргүүлэгч 20 гаруй компанийн албан ёсны дистрибьютер бөгөөд 20 гаруй орны 150 гаруй үйлдвэрлэгч, борлуулагч байгууллагатай нягт хамтран ажилладаг. Энэхүү хамтын ажиллагаанд үндэслэн бид Монгол Улсын эрүүл мэндийн салбарт дараах үндсэн чиглэлээр үйлчилгээг үзүүлж байна:
- Эмнэлгийн хэрэгсэл, багаж, тоног төхөөрөмжийн импорт, ханган нийлүүлэлт
- Эмнэлгийн тоног төхөөрөмжийн суурилуулалт, баталгаат болон гэрээт засвар үйлчилгээ
- Клиникал инженерийн мэргэжлийн зөвлөгөө, дэмжлэг
- Эрүүл мэндийн байгууллагад зориулсан технологийн шийдэл, системийн нэгдсэн шийдэл
Бид ISO 9001:2015 стандартад нийцсэн чанарын удирдлагын тогтолцоог нэвтрүүлж, дэлхийд хүлээн зөвшөөрөгдсөн дэвшилтэт технологиудыг Монголын эрүүл мэндийн салбарт амжилттай нутагшуулан ажиллаж байна.
Олон улсын болон үндэсний стандартыг баримталж, хууль, зохицуулалтын шаардлагыг хангахын зэрэгцээ үйл ажиллагаандаа чанар, хариуцлага, ёс зүйг шингээж, тасралтгүй сайжруулалт хийхийг зорьдог.
Бид харилцагчидтайгаа итгэлцэлд суурилсан, урт хугацааны тогтвортой харилцааг чухалчилдаг. Харилцагчдын хэрэгцээнд нь нийцсэн шийдлээр дамжуулан үнэ цэнэ бүтээх нь бидний хамгийн чухал зорилгуудын нэг юм.
Манай хамт олон мэргэжлийн ур чадвараа байнга хөгжүүлж, шударга, хариуцлагатай, найдвартай байгууллагын жишиг байж, эрүүл мэндийн салбарын хөгжилд өөрсдийн хувь нэмрээ оруулахыг эрмэлздэг.